Atuakkiortutut suliaq pillugu nittartakkami paasissutissanik peqarnissamut tunngavissaavoq kalaaliuneq aammalu atuakkiortuuneq. Nunani allani najugaqarneq Kalaallit Atuakkiortut qarasaasiami nalunaarsornerisa paasissutissartaannik ilaanissamut apeqqutaanngilaq. Ilaanissamut aamma apeqqutaanngilaq peqatigiiffimmut Kalaallit Atuakkiortunut ilaasortaaneq.

Kalaallit Atuakkiortut qarasaasiami nalunaarsornerinut paasissutissanik peqarneq akeqanngilaq.

Nittartakkamut isersinnaassagaanni piumasaqaataavoq atuakkiortup qarasaasiamut nalunaarasuarsinnaanermut atassutilimmut periarfissaqarnissaa, tassunga nammineerluni paasissutissaatiminik nalunaarsuisinnaagami / kukkusunilluunniit aaqqissuisinnaagami, kiisalu qarasaasiamik atuisutut ateqarnissaa (brugernavn) ingerlaqqissutissaqarnissaa (password) pisariaqarput nalunaarsuutit aaqqitassartaannik sulisinnaassaguni.

Atuisutut atermik (brugernavn) ingerlaqqissutissaminik (password) pissarsiaqarniaruni atuakkiortup nalunaarsuutit makku nassiutissavai:

1. Najugaq, oqarasuaat aammalu e-mail.
2. Atuakkiortup nammineq atuakkiani allaaserisanilu
3. Kalaallit Nunaannut atassuteqarneq

Nittartakkami nalunaarfissatut immersugassaq atuakkiortup qarasaasiaq atorlugu immersorsinnaasaa piareeqqavoq.

Kalaallit Atuakkiortut pisinnaatitaapput atuakkiortoq kukkusumik nalunaarsuisimappat imaluunniit nittartakkamik atornerluippat nalunaarsukkanik allanngortitsillutilluunniit piiaanissamut.