Kalaallit Atuakkiortut qarasaasiami nalunaarsorneri
Kalaallit Nunaanni Kalaallit atuakkiortut qarasaasiami nalunaarsorneri
tassaapput atuakkiortut kalaaliusut nunami maaniittut nunanilu
allaniittut nalunaarsuutaat.
Peqatigiiffiup Kalaallit Atuakkiortut nalunaarsuut pilersippaat atuakkiortut kalaaliusut atuakkiaallu pillugit paasissutissanik nunami maani nunanilu allani tunniussisinnaanissaat pillugu.
Kalaallit Atuakkiortut nittartagaq www.atuakkiortut.gl, pilersippaat, - peqatigiiffimmut paasissutissanik imaqarnermi saniatigut atuakkiortut kalaaliusut suliaallu pillugit paasissutissanik imaqarsinnaalersillugu. Suliat tamarmik ilanngunneqassapput, aammattaaq allamiut oqaasiinut nutserneri. Nittartakkap kalaallisuua qallunaatuualuunniit toqqarneqarsinnaapput.
Nittartakkamut immiunneqarnissamut piumasaqaataavoq kalaaliuneq aammalu atuakkiortuuneq. Nunani allani najugaqarneq Kalaallit Atuakkiortut qarasaasiami nalunaarsornerinut peqataanissamut aporfiunngilaq. Aammalu ilanngutissagaanni peqatigiiffimmut Kalaallit Atuakkiortunut ilaasortaanissaq piumasaqaataanngilaq.
Kalaallit Atuakkiortut nittartagaanni paasissutissanik inissiineq akeqanngilaq.
Kalaallit Atuakkiortut qarasaasiami nalunaarsornerisa nittartakkamut nooreerpaat atuakkiortut 72-it nalunaarsuutaat atuakkiaallu ilisimasat. Maannamuugallartoq atuakkiortut taamaallaat atuakkiamik kisermaassillutik allassimasut ilanngussaapput.
Nittartakkami takuneqarsinnaapput nalunaarsuutit makku:
- Atuakkiortup aqqa
- Inuuffia ukiorlu suna
- Ilanngussinnaavoq
E-mail adressea (piumasarineqarsimappat)
- Ilanngussinnaavoq web-adressea
- Inuunerata oqaluttuassartaa
- Atuakkat taassuma allassimasai, ilanngullugit atuakkioqataaffii, atuakkap aqqa, naqiterisitsisua, ukioq saqqummerfia, tulleriiaat qassingat, oqaatsit immaqalu ISBN.
- Immaqalu atuakkat, leksikonit allaaserisalluunniit atuakkiortoq pillugu paasissutissanik imallit.
- Immaqalu nittartakkat atuakkiortoq pillugu paasissutissanik imallit.
Isumaavoq atuakkiortut kalaallit tamarmik periarfissinneqassasut nittartakkami paasissutissanik tunniussinissamut, ilanngullugit atuakkiortut allaaserisanik atuakkanillu aalajangersunik sammisalinnik allassimasut.
Misissoruk atuakkiortoq aalajangersimasoq
nittartakkami ilanngutereersimanersoq
Uani paasiniakkit Kalaallit
Atuakkiortut qarasaasiami nalunaarsornerinut nittartakkamut
paasiniaaniarluni isernissamut malittarisassat.